marne ke liye aae the ham dasht-e-balaa mein — Aafreen Faheem Aafi

ye aur baat musalsal haraa rahaa lekin
darakht-e-dil pe kabhi mausami samar na lage

aarzu-e-dil-e-betaab mukammal kar de
khvaahish-e-did-e-sanam chashm mein bal khaati hai

dil lutf-e-intizaar kaa ummid-vaar thaa
vo dastyaab ho gayaa taakhir ke baghair

tamannaa dard-e-dil ki ho to kar khidmat faqiron ki
nahin miltaa ye gauhar baadshaahon ke khazinon mein

harba hai aashiqon kaa faqat aah-e-pechdaar
darvesh log rakhte hain jaise hiran ki shaakh

vaan laal phaDaktaa hai amiron ke qafas mein
yaan faakhta haq-go hai faqiron ke qafas mein

ab faqiri mein koi baat nahin
hashmat-o-jaah-o-karr-o-far de de

musallaa rakhte hain sahbaa-o-jaam rakhte hain
faqir sab ke liye intizaam rakhte hain

ye samajh kar faqiri hi mein hai khudaa
gun hamesha faqiron ke gaate rahe