saaqi mujhe sharaab ki tohmat nahin pasand — Abdul Hamid Adam

ijaazat ho to main tasdiq kar luun teri zulfon se
sunaa hai zindagi ik khub-surat daam hai saaqi

savaal kar ke main khud hi bahut pashemaan huun
javaab de ke mujhe aur sharmsaar na kar

marne vaale to khair hain bebas
jiine vaale kamaal karte hain

mai-kada hai yahaan sukun se baiTh
koi aafat idhar nahin aati

had se baDh kar hasin lagte ho
jhuTi qasmein zarur khaayaa karo

ai gham-e-zindagi na ho naaraaz
mujh ko aadat hai muskuraane ki

maut ke baa'd ziist ki bahs mein mubtalaa the log
ham to 'sahar' guzar gae tohmat-e-zindagi uThaae

khaak uchhaalo jo zamin par to falak par gir jaae
ab khulaa ye ki bahut past hai himmat meri

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

khudaa kare ki vahi baat us ke dil mein ho
jo baat kahne ki himmat juTaa rahaa huun main

aziiz gar thaa ta'alluq to kis liye toDaa
jab ikhtilaaf kiyaa to mufaahamat kaisi

tu mohabbat se koi chaal to chal
haar jaane kaa hausla hai mujhe