us ke Dar hi se main mohazzab huun — Abid Siddiq

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

meri apni zaat hi ik anjuman se kam na thi
is liye 'sajjaad' mujh ko khauf-e-tanhaai na thaa

khauf aankhon mein miri dekh ke chingaari kaa
kar diyaa raat ne suraj ke havaale mujh ko

Daraaegi hamein kyaa hijr ki andheri raat
ki shama baiThe hain pahle hi ham bujhaae hue

ajiib fursat-e-aavaargi mili hai mujhe
bichhaD ke tujh se zamaane kaa Dar nahin hai koi