vo khvaab jis pe tira-shabi kaa gumaan thaa — Aghaz Barni

ab agar ishq ke aasaar nahin badleinge
ham bhi pairaaya-e-izhaar nahin badleinge

qad kaa andaaza tumhein ho jaaegaa
apne saae ko ghaTaa kar dekhnaa

main khud se chhupaa lekin
us shakhs pe uryaan thaa

ai shab-e-gham mire muqaddar ki
tere daaman mein ik sahar hoti

use suljhaaun kaise
main khud uljhaa huaa huun

mire ehsaas ke aatish-fishaan kaa
agar ho to mire dil tak dhuaan ho

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

shor din ko nahin sone detaa
shab ko sannaaTaa jagaa detaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai