kis ko bataaein ab ki na chal kar tamaam umr — Ahmad Hamdani

na jaane aaj ye kis kaa khayaal aaya hai
khushi kaa rang liye har malaal aaya hai

vo meri raah mein kaanTe bichhaae main lekin
usi ko pyaar karun us pe e'tibaar karun

kyuun hamaare saans bhi hote hain logon par giraan
ham bhi to ik umr le kar is jahaan mein aae the

tu mayassar thaa to dil mein the hazaaron armaan
tu nahin hai to har ik samt ajab rang-e-malaal

ajiib vahshatein hisse mein apne aai hain
ki tere ghar bhi pahunch kar sakun na paaein ham

ab ye hogaa shaayad apni aag mein khud jal jaaeinge
tum se duur bahut rah kar bhi kyaa paayaa kyaa paaeinge

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi ke bahut qarib na jaa
faasla kuchh to apne dhyaan mein rakh

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban