har ek subh vazu karti hain miri aankhein — Ajmal Siddiqui

bol paDtaa to miri baat miri hi rahti
khaamushi ne hain diye sab ko fasaane kyaa kyaa

kyaa kyaa na paDhaa is maktab mein, kitne hi hunar sikhe hain yahaan
izhaar kabhi aankhon se kiyaa kabhi had se sivaa bebaak huaa

jis din se gayaa vo jaan-e-ghazal har misre ki surat bigDi
har lafz pareshaan dikhtaa hai, is darja varaq namnaak huaa

kabhi khauf thaa tire hijr kaa kabhi aarzu ke zavaal kaa
rahaa hijr-o-vasl ke darmiyaan tujhe kho sakaa na main paa sakaa

vo meraa ho ki na ho kyaa gharaz mujhe is se
havas charaagh ki tum ko mujhe hai bhaataa nuur

aas pe teri bikhraa detaa huun kamre ki sab chizein
aas bikharne par sab chizein khud hi uThaa ke rakhtaa huun

aankhon mein meri subh-e-qayaamat gai jhamak
siine se us pari ke jo parda ulaT gayaa

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

har subh nikalte hain yahi soch ke ghar se
bikhri hui duniyaa ko sameTeinge kisi din

kaise hoti hai shab ki sahar dekhte
kaash ham bhi kabhi jaag kar dekhte