vaah kyaa raah dikhaai hai hamein murshid ne — Akbar Allahabadi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

dukhtar-e-raz ne uThaa rakkhi hai aafat sar par
khairiyat guzri ki angur ke beTaa na huaa

log kahte hain badaltaa hai zamaana sab ko
mard vo hain jo zamaane ko badal dete hain

shaikh apni rag ko kyaa karein reshe ko kyaa karein
mazhab ke jhagDe chhoDein to peshe ko kyaa karein

jis taraf uTh gai hain aahein hain
chashm-e-bad-dur kyaa nigaahein hain

ham aisi kul kitaabein qaabil-e-zabti samajhte hain
ki jin ko paDh ke laDke baap ko khabti samajhte hain

banaa kar faqiron kaa ham bhes 'ghaalib'
tamaashaa-e-ahl-e-karam dekhte hain

na durveshon kaa khirqa chaahiye na taaj-e-shaahaanaa
mujhe to hosh de itnaa rahun main tujh pe divaanaa

sulagti dhuup mein jal kar faqir-e-shab tiri khaak
kyuun khaan-qaah-e-shab-e-be-karaan main baiTh gai

kisi darvesh ke hujre se abhi aayaa huun
so tire hukm ki taamil nahin karni mujhe

ulfat to dekhiye miri didaar ke sabab
darvesh ban ke yaar ki chaukhaT pe aa gayaa

maal-o-zar ahl-e-duval saamne yuun ginte hain
ham faqiron ne na kuchh sarf kiyaa ho jaise