yahi soch kar iktifaa chaar par kar gae shaikh-ji — Akbar Hyderabadi

bure bhale mein farq hai ye jaante hain sab magar
hai kaun nek kaun bad nazar nazar ki baat hai

mubham the sab nuqush naqaabon ki dhund mein
chehra ik aur bhi pas-e-chehra zarur thaa

khud-parasti khudaa na ban jaae
ehtiyaatan gunaah kartaa huun

aankh mein aansu kaa aur dil mein lahu kaa kaal hai
hai tamannaa kaa vahi jo zindagi kaa haal hai

musaafirat kaa valvala siyaahaton kaa mashghala
jo tum mein kuchh ziyaada hai safar karo safar karo

aankhon ko dekhne kaa saliqa jab aa gayaa
kitne naqaab chehra-e-asraar se uThe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ai shahr-e-sitam-zaad tiri umr baDi ho
kuchh aur bataa naql-e-makaani ke alaava

ye pahlaa ishq hai tumhaaraa soch lo
mire liye ye raastaa nayaa nahin

savaal karti kai aankhein muntazir hain yahaan
javaab aaj bhi ham soch kar nahin aae

main ne ye soch ke boe nahin khvaabon ke darakht
kaun jangal mein uge peD ko paani degaa