miri gali ke makin ye mire rafiq-e-safar — Akhtar Hoshiyarpuri

log nazron ko bhi paDh lete hain
apni aankhon ko jhukaae rakhnaa

chaman ke rang-o-bu ne is qadar dhokaa diyaa mujh ko
ki main ne shauq-e-gul-bosi mein kaanTon par zabaan rakh di

Takraa ke sar ko apnaa lahu aap chaaTte
achchhaa huaa ki dasht mein divaar-o-dar na the

baarhaa ThiThkaa huun khud bhi apnaa saaya dekh kar
log bhi katraae kyaa kyaa mujh ko tanhaa dekh kar

kuchh mujhe bhi yahaan qaraar nahin
kuchh tiraa gham bhi dar-ba-dar hai yahaan

main apni zaat ki tashrih kartaa phirtaa thaa
na jaane phir kahaan aavaaz kho gai meri

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

laakh aabaad-e-tamannaa ho ke dil
phir bhi viraan hai na jaane kis liye

khushi daaman-kashaan hai dil asir-e-gham hai barson se
hamaari zindagi kaa ek hi aalam hai barson se

kaise us ko dil ki haalat samjhaaun
baat karun to aankh churaane lagtaa hai

qaid kartaa huun hasratein dil mein
phir inhein khud-kushi sikhaataa huun