ham pahaaDon ko raund aae the — Akhtar Jamal

jalti hui cigarette bujhaai nahin main ne
jiine ke liye aur sahaaraa bhi nahin thaa

jis ko dekhaa hi nahin aankhon ne
us ki tasvir banaa dete hain

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

sab ko qudrat thi khush-kalaami par
khaamushi mein zabaan-daraaz thaa main

kahin na thaa vo dariyaa jis kaa saahil thaa main
aankh khuli to ik sahraa ke muqaabil thaa main

paani mein aks aur kisi aasmaan kaa hai
ye naav kaun si hai ye dariyaa kahaan kaa hai

qudrat ki barkatein hain khazaana basant kaa
kyaa khuub kyaa ajiib zamaana basant kaa

pahaaDon se chali phir koi aandhi
uDe jaate hain auraaq-e-khizaani