tabdiliyon kaa nashsha mujh par chaDhaa huaa hai — Alam Khursheed

kabhi kabhi kitnaa nuqsaan uThaanaa paDtaa hai
airon ghairon kaa ehsaan uThaanaa paDtaa hai

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

tamaam rang adhure lage tire aage
so tujh ko lafz mein tasvir kartaa rahtaa huun

tahzib ki zanjir se uljhaa rahaa main bhi
tu bhi na baDhaa jism ke aadaab se aage

kisi ko DhunDte hain ham kisi ke paikar mein
kisi kaa chehra kisi se milaate rahte hain

ishq mein tahzib ke hain aur hi kuchh falsafe
tujh se ho kar ham khafaa khud se khafaa rahne lage

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

puchh kar kaun dil dukhaataa hai
haadse kab bataa ke hote hain

Dhal gai vasl ki shab Duub gayaa dil kaa charaagh
ab vahin baiThe rahein aap jahaan the baiThe

na ab vo shiddat-e-aavaargi na vahshat-e-dil
hamaare naam ki kuchh aur shohratein bhi gaiin

dil ne siine mein kuchh qaraar liyaa
jab tujhe khuub saa pukaar liyaa