kamre mein kuchh bhi nahin bas intizaari rah gai — Ali Haider

office ki faailon mein tiri zulf kaa khayaal
dil apne kaam se hai dimaagh apne kaam se

main use dafnaa to aayaa huun magar royaa nahin
farz puuraa kar diyaa par zimmedaari rah gai

vo baDi taab baDe hauslon vaalaa laDkaa
jab tiri yaad se laDtaa hai to ro detaa hai

milti hai zindagi to yahi puchhti hai bas
vo khud-kushi kaa khvaab jo dekhaa thaa kyaa huaa

rone vaale kahaan ye samjheinge
ro na paane mein masala kyaa hai

dalil di gai kahin nizaam se kiyaa gayaa
hamaaraa faisla hamaare naam se kiyaa gayaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

yaa tere alaava bhi kisi shai ki talab hai
yaa apni mohabbat pe bharosaa nahin ham ko

havaa par hai ye buniyaad-e-musaafir khaana-e-hasti
na Thahraa hai koi yaan ai dil-e-mahzun na Thahregaa

dard-e-ulfat zindagi ke vaaste iksir hai
khaak ke putle isi jauhar se insaan ho gae

mohabbat ho kisi ki yaa adaavat
mazaa de jaaegi dil se jo hogi