zamīr-e-lāla mai-e-lāl se huā labrez — Allama Iqbal

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

saare jahāñ se achchhā hindostāñ hamārā
ham bulbuleñ haiñ is kī ye gulsitāñ hamārā

ye jannat mubārak rahe zāhidoñ ko
ki maiñ aap kā sāmnā chāhtā huuñ

vatan kī fikr kar nādāñ musībat aane vaalī hai
tirī barbādiyoñ ke mashvare haiñ āsmānoñ meñ

andāz-e-bayāñ garche bahut shoḳh nahīñ hai
shāyad ki utar jaa.e tire dil meñ mirī baat

sau sau umīdeñ bañdhtī hai ik ik nigāh par
mujh ko na aise pyaar se dekhā kare koī

qāsidā ham faqīr logoñ kā
ik Thikāna nahīñ ki tujh se kaheñ

be-zarī fāqa-kashī muflisī be-sāmānī
ham faqīroñ ke bhī haañ kuchh nahīñ aur sab kuchh hai

ye masā.il-e-tasavvuf ye tirā bayān 'ġhālib'
tujhe ham valī samajhte jo na bāda-ḳhvār hotā

banā kar faqīroñ kā ham bhes 'ġhālib'
tamāshā-e-ahl-e-karam dekhte haiñ

amīr-zādoñ se dillī ke mil na tā-maqdūr
ki ham faqīr hue haiñ inhīñ kī daulat se

ham faqīroñ se be-adā.ī kyā
aan baiThe jo tum ne pyaar kiyā