ek raushan dimaagh thaa na rahaa — Altaf Hussain Hali

farishte se baDh kar hai insaan bannaa
magar is mein lagti hai mehnat ziyaada

maan baap aur ustaad sab hain khudaa ki rahmat
hai rok-Tok un ki haq mein tumhaare neamat

ham jis pe mar rahe hain vo hai baat hi kuchh aur
aalam mein tujh se laakh sahi tu magar kahaan

sadaa ek hi rukh nahin naav chalti
chalo tum udhar ko havaa ho jidhar ki

aa rahi hai chaah-e-yusuf se sadaa
dost yaan thoDe hain aur bhaai bahut

munh kahaan tak chhupaaoge ham se
tum mein aadat hai khud-numaai ki

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

ret par ik nishaan hai shaayad
ye hamaaraa makaan hai shaayad