phir dayaar-e-hind ko aabaad karne ke liye — Altaf Mashhadi

Tapke jo ashk valvale shaadaab ho gae
kitne ajiib ishq ke aadaab ho gae

pi ke jiite hain ji ke piite hain
ham ko raghbat hai aise jiine se

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

jo ghair the vo isi baat par hamaare hue
ki ham se dost bahut be-khabar hamaare hue