itnaa bedaariyon se kaam na lo — Ameer Qazalbash

yakum january hai nayaa saal hai
december mein puchhungaa kyaa haal hai

usi kaa shahr vahi muddai vahi munsif
hamein yaqin thaa hamaaraa qusur niklegaa

mire junun kaa natija zarur niklegaa
isi siyaah samundar se nuur niklegaa

log jis haal mein marne ki duaa karte hain
main ne us haal mein jiine ki qasam khaai hai

ik parinda abhi uDaan mein hai
tiir har shakhs ki kamaan mein hai

raavan raat jagaataa hai
koi raam-kahaani de

jab ki pahlu se yaar uThtaa hai
dard be-ikhtiyaar uThtaa hai

ghussa aataa hai pyaar aataa hai
ghair ke ghar se yaar aataa hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye

tamaam vahm o gumaan hai to ham bhi dhoka hain
isi khayaal se duniyaa ko main ne pyaar kiyaa

tiraa visaal baDi chiiz hai magar ai dost
visaal ko miri duniyaa-e-aarzu na banaa

nai mohabbatein 'khaalid' puraani dostiyaan
azaab-e-kashmakash-e-be-amaan mein rahte hain