Thokar zaraa si 'ishq mein kyaa lag gai ki bas — Ananth Faani

yahi bahut thi ghanimat ki ThanD paDte hi
kisi ko dekh ke aankhon ne haath seink liye

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

sabhi se jab mohabbat chaahte ho
mohabbat kyon nahin karte sabhi se

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

husn jalva dikhaa gayaa apnaa
ishq baiThaa rahaa udaas kahin