baahar jhuum rahaa thaa mausam phulon kaa — Anjum Azimabadi

tum havas-paraston ke sainkaDon khudaa Thahre
ek hai khudaa apnaa dusraa nahin rakhte

sar salaamat hai to rauzan bhi banaa lungaa main
habs tere dar-o-divaar se vaaqif main huun

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

gul kiyaa jis ne vo thaa aur magar
shama ne shikva havaaon se kiyaa

usi pe sabr hai mujh ko har ek daur yahaan
bahaar aane se pahle khizaan se guzraa hai

jab ghunche ne sar apnaa garebaan se nikaalaa
bulbul ne qadam phir na gulistaan se nikaalaa