uThaae phirtaa rahaa main bahut mohabbat ko — Anjum Saleemi

patthar mein kaun jonk lagaaegaa mere dost
dil hai to mubtalaa bhi kahin honaa chaahiye

kisi tarah se nazar mutmain nahin hoti
har ek shai ko dobaara badal ke dekhtaa huun

Thiik se yaad bhi nahin ab to
ishq ne mujh mein kab qayaam kiyaa

barham hain mujh pe is liye donon taraf ke log
divaar uTh gai thi to dar kyuun banaayaa hai

main sab kaa sab mohabbat ke liye huun
so laa-mahdud muddat ke liye huun

kaisi hoti hain udaasi ki jaDein
aa dikhaaun tujhe dil ke reshe

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

sabhi se jab mohabbat chaahte ho
mohabbat kyon nahin karte sabhi se

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

kisi se ishq apnaa kyaa chhupaaein
mohabbat Tapki paDti hai nazar se

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa