apnaa thaa jo vo bhi ab anjaan huaa — Ankit Dixit Arz

banaane baiThtaa huun to teri tasvir banti hai
koi panchhi koi titli koi dariyaa banaane par

zamaane ne bahut koshish ki tum se duur karne ki
main rishta toDtaa kab huun jo aa jaaun nibhaane par

aankh tak jazbaat mere aa gae
muTThiyaan phir bhi dabaae rah gayaa

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham