dhuaan uThtaa nazar aataa hai har-su — Anwar Moazzam

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

hamein baada-kash-e-dard-e-tamannaa
hamin par band hai mai-khaana dil kaa

sab dikhaate hain tiraa aks miri aankhon mein
ham zamaane ko isi taur se mahbub hue

kaun royaa pas-e-divaar-e-chaman aakhir-e-shab
kyuun sabaa lauT gai raahguzar se puchho

aankhon mein ghul na jaaein kahin zulmaton ke rang
jis samt raushni hai udhar dekhte raho

aao dekhein ahl-e-vafaa ki hoti hai tauqir kahaan
kis mahfil kaa naam hai maqtal khinchti hai shamshir kahaan

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

jis ne mah-paaron ke dil pighlaa diye
vo to meri shaaeri thi main na thaa

tumhein ham is liye bhi sochte rahte hain aksar
ki ik tasvir mein dhundlaa saa hai chehraa tumhaaraa

vo shakhs jis ko dil o jaan se baDh ke chaahaa thaa
bichhaD gayaa to ba-zaahir koi malaal nahin