do khat ba-naam-e-zauja-o-jaanaan likhe magar — Aziz Faisal

ishq mein ye tafraqa-baazi bahut maayub hai
pyaar ko shiia vahaabi aur sunni mat samajh

das baara ghazliyaat jo rakhtaa hai jeb mein
bazm-e-sukhan mein hai vo nishaani vabaal ki

na ye qaanun kaam aayaa thaa raanjhe ke zaraa saa bhi
usi ko bhains milti hai ho jis ke haath mein laaThi

begam se kah rahaa thaa ye koi khalaa-navard
baiThi hui hai chaand pe ''guDiyaa'' mire liye

kitni mazaahiya hai ye botal ke jin ki baat
aaqaa ab inqalaab hai do chaar din ki baat

moarrikh likh na dein suqraat mujh ko
main lassi kaa piyaala pi rahaa huun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil ke har goshe mein jag achchhaa nahin
kuchh khalaa bhi rakh khudaa ke vaaste

ik umr tak main us ki zarurat banaa rahaa
phir yuun huaa ki us ki zarurat badal gai

badlaa jo vaqt gahri rifaaqat badal gai
suraj Dhalaa to saae ki surat badal gai

TukDe hue the daaman-e-hasti ke jis qadar
dalq-e-gadaa-e-ishq ke paivand ho gae