dil ke har goshe mein jag achchhaa nahin — Rohit Rahi

paarsaai kaa tujhe 'rohit' milegaa kyaa samar
kahte hain duniyaa jise sadiyon se be-tartib hai

in bahaaron ki havaaon ko shikaayat ham se hai
ham kali ko lams se gul karte hain jaan-e-jigar

'ishq ki fitrat sadaa aazaad hai
qaid mein dair-o-haram ki kab rahaa

qaid kyaa dair-o-haram ki zaahido
jalva-gar hai har taraf meraa sanam

huun khafaa saare zamaane se faqat tere liye
'ishq ki tauhid mere tu kabhi to jaanegaa

pattharon ke ye sanam sunte hain kab
kaifiyat apni khudaa hi jaane hain

main baDaa ho gayaa huun magar bachpanaa
mere dil se kabhi bhi gayaa hi nahin

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

mujhe lagtaa hai dil khinch kar chalaa aataa hai haathon par
tujhe likkhun to meri ungliyaan aisi dhaDakti hain

phuul barse kahin shabnam kahin gauhar barse
aur is dil ki taraf barse to patthar barse