yaad mein khvaab mein tasavvur mein — Bayan Meeruthi

kabhi hansaayaa kabhi rulaayaa kabhi rulaayaa kabhi hansaayaa
jhijak jhijak kar simaT simaT kar lipaT lipaT kar dabaa dabaa kar

nahin ye aadmi kaa kaam vaaiz
hamaare but taraashe hain khudaa ne

lahu Tapkaa kisi ki aarzu se
hamaari aarzu Tapki lahu se

adaaein taa-abad bikhri paDi hain
azal mein phaT paDaa joban kisi kaa

ye taasir mohabbat hai ki Tapkaa
hamaaraa khuun tumhaari guftugu se

dil aayaa hai qayaamat hai miraa dil
uThe taazim de joban kisi kaa

mere khvaabon ke jharokon ko sajaate rahiye
na sahi vasl magar yaad to aate rahiye

ho gae din jinhein bhulaae hue
aaj kal hain vo yaad aae hue

tum se mile to khud se ziyaada
tum ko akelaa paayaa ham ne

kar kuchh aisaa ki tujhe yaad rakhun
bhuul jaane kaa taqaazaa hi sahi

chheDtaa kyuun hai khudaa ke liye sayyaad mujhe
nau-giraftaar huun aati nahin fariyaad mujhe

na toDo dil ki hai kaaba kaa Dhaanaa
ye do ghar hain magar buniyaad hai ek