Irfan Siddiqi

وہ خدا ہے کہ صنم ہاتھ لگا کر دیکھیں آج اس شخص کو نزدیک بلا کر دیکھیں ایک جیسے ہیں سبھی گل بدنوں کے چہرہ کس کو تشیبہ کا آئینہ دکھا کر دیکھیں کیا تعجب کوئی تعبیر دکھائی دے جائے ہم بھی آنکھوں میں کوئی خواب سجا کر دیکھیں جسم کو جسم سے ملنے نہیں دیتی کم بخت اب تکلف کی یہ دیوار گرا کر دیکھیں خیر دلی میں تو اوراق مصور تھے بہت لاؤ اس شہر کی گلیوں میں بھی جا کر دیکھیں کون آتا ہے یہاں تیز ہواؤں کے سوا اپنی دہلیز پہ اک شمع جلا کر دیکھیں وہ سمجھتا ہے یہ انداز تخاطب کہ نہیں یہ غزل اس غزل آرا کو سنا کر دیکھیں

vo khudaa hai ki sanam haath lagaa kar dekhein

گرفت ثابت و سیار سے نکل آیا میں اک کرن تھا شب تار سے نکل آیا مرے لہو نے کہاں پار اتارنا تھا مجھے یہ راستہ تری تلوار سے نکل آیا یہاں وہ حشر بپا تھا کہ میں بھی آخر کار اگرچہ نقش تھا دیوار سے نکل آیا تمام جادہ شناسوں کی گمرہی کا جواز ذرا سی مستئ رفتار سے نکل آیا مری بلا سے جو ہو کاروبار شوق تباہ میں خود کو بیچ کے بازار سے نکل آیا

giraft-e-saabit-o-sayyaar se nikal aayaa

غزل کا رنگ کچھ ہو خون کے دھاروں سے اچھا ہے یہ مضموں ابروئے جاناں کا تلواروں سے اچھا ہے ہماری طرح اعلان گنہ گاری نہیں کرتا کم از کم شیخ ہم جیسے سیہ کاروں سے اچھا ہے کسی کے پاؤں کے چھالے ہوں زنجیروں سے بہتر ہیں کسی کے درد کا صحرا ہو دیواروں سے اچھا ہے کہاں ملتی ہے بے رنگ غرض جنس وفا صاحب مری دکان میں یہ مال بازاروں سے اچھا ہے محبت میں کوئی اعزاز اپنے سر نہیں لیتا یہ خادم آپ کے پاپوش برداروں سے اچھا ہے

ghazal kaa rang kuchh ho khuun ke dhaaron se achchhaa hai

دیکھ لے خاک ہے کاسے میں کہ زر ہے سائیں دست دادار بڑا شعبدہ گر ہے سائیں تو مجھے اس کے خم و پیچ بتاتا کیا ہے کوئے قاتل تو مری راہ گزر ہے سائیں شہر و صحرا تو ہیں انسانوں کے رکھے ہوئے نام گھر وہیں ہے دل دیوانہ جدھر ہے سائیں پاؤں کی فکر نہ کر بار کم و بیش اتار اصل زنجیر تو سامان سفر ہے سائیں شاعری کون کرامت ہے مگر کیا کیجے درد ہے دل میں سو لفظوں میں اثر ہے سائیں عشق میں کہتے ہیں فرہاد نے کاٹا تھا پہاڑ ہم نے دن کاٹ دئے یہ بھی ہنر ہے سائیں

dekh le khaak hai kaase mein ki zar hai saain

یہ تو صحرا ہے یہاں ٹھنڈی ہوا کب آئے گی یار، تم کو سانس لینے کی ادا کب آئے گی کوچ کرنا چاہتے ہیں پھر مری بستی کے لوگ پھر تری آواز اے کوہ ندا کب آئے گی نسل تازہ، میں تجھے کیا تجربے اپنے بتاؤں تیرے بڑھتے جسم پر میری قبا کب آئے گی سر برہنہ بیبیوں کے بال چاندی ہو گئے خیمے پھر استادہ کب ہوں گے ردا کب آئے گی طاق میں کب تک جلے گا یہ چراغ انتظار اس طرف شب گشت لوگوں کی صدا کب آئے گی میری مٹی میں بھی کچھ پودے نمو آمادہ ہیں تو مرے آنگن تک اے کالی گھٹا کب آئے گی

ye to sahraa hai yahaan ThanDi havaa kab aaegi

رات اک شہر نے تازہ کئے منظر اپنے نیند آنکھوں سے اڑی کھول کے شہ پر اپنے تم سر دشت و چمن مجھ کو کہاں ڈھونڈتے ہو میں تو ہر رت میں بدل دیتا ہوں پیکر اپنے یہی ویرانہ بچا تھا تو خدا نے آخر رکھ دیے دل میں مرے سات سمندر اپنے روز وہ شخص صدا دے کے پلٹ جاتا ہے میں بھی رہتا ہوں بہت جسم سے باہر اپنے کس قدر پاس مروت ہے وفاداروں کو میرے سینے میں چھپا رکھے ہیں خنجر اپنے کوئی سلطان نہیں میرے سوا میرا شریک مسند خاک پہ بیٹھا ہوں برابر اپنے

raat ik shahr ne taaza kiye manzar apne