ham yahaan kaaTne aae hain shab-e-furqat-e-yaar — Bhaskar Shukla

she'r kahnaa hai un ki aankhon par
dekhiye ban sake agar tasvir

kaun saa tujh se milaane ke liye aayaa hai
ye nayaa saal bhi jaane ke liye aayaa hai

kisi ki maut kaa dukh hai magar is se ziyaada
mujhe is baat kaa dukh hai ki koi ro rahaa hai

agar hai ishq sachchaa to nigaahon se bayaan hogaa
zabaan se bolnaa bhi kyaa koi izhaar hotaa hai

muskuraahaT oDh kar yuun hi nahin rahtaa huun main
jhaank kar dekho kabhi andar bahut TuuTaa huun main

khvaahish sab rakhte hain tujh ko paane ki
aur phir apni apni qismat hoti hai

jab ki pahlu se yaar uThtaa hai
dard be-ikhtiyaar uThtaa hai

aa rahi hai chaah-e-yusuf se sadaa
dost yaan thoDe hain aur bhaai bahut

chaahte to the mire aghyaar tu paidaa na ho
phir bhi ye himmat hai teri tu agar paidaa huaa

zulekhaaein ba-zid thiin ek yusuf ke liye yaaro
baDi hi garmi-e-baazaar thi kal shab jahaan main thaa

kisi ne bhejaa hai khat pyaar aur vafaa likh kar
qalam se kaam diyaa hai mujhe khudaa likh kar

vo jis ke sehn mein koi gulaab khil na sakaa
tamaam shahr ke bachchon se pyaar kartaa thaa