koi khat-vat nahin phaaDaa koi tohfa nahin toDaa — Charagh Sharma

ab ke mili shikast miri or se mujhe
jitvaa diyaa gayaa kisi kamzor se mujhe

khataaein is liye kartaa huun main ki jaantaa huun
sazaa mujhe hi milegi khataa karun na karun

haath bhar duuri pe hai qismat ki chaabi aap ki
ek chhoTaa saa qadam aur kaamyaabi aap ki

'mir' ji ishq maanaa ki neamat nahin par main is ko balaa bhi nahin maantaa
maantaa huun khudaa-e-sukhan bhi tumhein aur hukm-e-khudaa bhi nahin maantaa

charaagh raushan zarur kar to par is se pahle khudaa ki khaatir
yahaan pe phailaa hai jo andheraa sameT zer-e-charaagh rakh de

tumhein ye gham hai ki ab chiTThiyaan nahin aatin
hamaari socho hamein hichkiyaan nahin aatin

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

har fikr sirf jaagne vaale kaa hai nasib
jo so rahaa hai bas vahi banda maze mein hai

main ne ye soch ke boe nahin khvaabon ke darakht
kaun jangal mein uge peD ko paani degaa

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

suraj-dimaagh log bhi ablaagh-e-fikr mein
zulf-e-shab-e-firaaq ke pechaak ho gae