kisi tarah jo na us but ne e'tibaar kiyaa — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

baad muddat ke ye ai 'daagh' samajh mein aayaa
vahi daanaa hai kahaa jis ne na maanaa dil kaa

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

kal tak to aashnaa the magar aaj ghair ho
do din mein ye mizaaj hai aage ki khair ho

shauq chaDhti dhuup jaataa vaqt ghaTti chhaanv hai
baa-vafaa jo aaj hain kal be-vafaa ho jaaeinge

haan vo nahin khudaa-parast jaao vo bevafaa sahi
jis ko ho diin o dil aziiz us ki gali mein jaae kyuun

taazgi hai sukhan-e-kuhna mein ye baad-e-vafaat
log aksar mire jiine kaa gumaan rakhte hain

kyon hain tufaan ki zad mein haram-o-dair-o-kunisht
in mazaaron pe to muddat se charaaghaan bhi nahin

'saudaa' se shakhs ke taiin aazurda kijiye
ai khud-parast haif nahin tu vafaa-parast

barbaad-e-vafaa ho kar masjud-e-jahaan dil ho
aadhe mein bane masjid aadhe mein sanam-khaana