vafaa kareinge nibaaheinge baat maaneinge — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

baad muddat ke ye ai 'daagh' samajh mein aayaa
vahi daanaa hai kahaa jis ne na maanaa dil kaa

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

kal tak to aashnaa the magar aaj ghair ho
do din mein ye mizaaj hai aage ki khair ho

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ab ji mein hai ki un ko bhulaa kar hi dekh lein
vo baar baar yaad jo aaein to kyaa karein

yahi nahin ki kisi yaad ne malul kiyaa
kabhi kabhi to yunhi be-sabab bhi roe hain

'jalil' aane lagi hain hichkiyaan kyuun
kahin main yaad farmaayaa gayaa huun

main tujh ko yaad kartaa huun ilaahi
tire bhi dil mein hogi yaad meri