zindagi di hisaab se us ne — Ejaz Ansari

sar uThaate hain yahaan bhi asr-e-haazir ke yazid
kal ye khitta bhi mahaaz-e-karbalaa ho jaaegaa

tamaam shahr se main jang jiit saktaa huun
magar main tum se bichhaDte hi haar jaaungaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ab tak mire aasaab pe mehnat hai musallat
ab tak mire kaanon mein mashinon ki sadaa hai

gham-e-zamaana jab na ho gham-e-vajud DhunD luun
ki ik zamin-e-jaan jo hai vo daaghdaar chaahiye

mujh se kahte nahin bantaa ki sitam kam kiije
phir na aisaa ho kisi roz miraa gham kiije