Tanveer Sipra

"aurat ko samajhta tha jo mardon ka khilauna us shakhs ko damad bhi vaisa hi mila hai"

"shayad yunhi simaT saken ghar ki zaruraten 'tanvir' maan ke haath men apni kama.i de"

"mill malik ke kutte bhi charbile hain lekin mazduron ke chehre piile hain"

"jo kar raha hai dusron ke zehn ka ilaaj vo shakhs khud bahut baDa zehni mariz hai"

"aaj bhi 'sipra' us ki khushbu mill malik le jaata hai main lohe ki naaf se paida jo kasturi karta huun"

"ai raat mujhe maan ki tarah god men le le din bhar ki mashaqqat se badan TuuT raha hai"

dihaat ke vajud ko qasba nigal gayaa
qasbe kaa jism shahr ki buniyaad khaa gai

mill maalik ke kutte bhi charbile hain
lekin mazduron ke chehre piile hain

teri to aan baDh gai mujh ko navaaz kar
lekin miraa vaqaar ye imdaad khaa gai

kabhi apne vasaael se na baDh kar khvaahishein paalo
vo paudaa TuuT jaataa hai jo laa-mahdud phaltaa hai

main apne bachpane mein chhu na paayaa jin khilaunon ko
unhi ke vaaste ab meraa beTaa bhi machaltaa hai

sab ki nigaah mein tire godaam aa gae
ab apne haathon maal ki taqsim kar na kar