duniyaa sabab-e-shorish-e-gham puchh rahi hai — Ejaz Siddiqi

aaj bhi buri kyaa hai kal bhi ye buri kyaa thi
is kaa naam duniyaa hai ye badalti rahti hai

aur zikr kyaa kiije apne dil ki haalat kaa
kuchh bigaDti rahti hai kuchh sambhalti rahti hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

shab-gazida ko tire is ki khabar hi kab thi
din jo aaegaa gham-e-laa-mutanaahi degaa

jo palkon se gir jaae aansu kaa qatra
jo palkon mein rah jaaegaa vo guhar hai

safed-poshi-e-dil kaa bharam bhi rakhnaa hai
tiri khushi ke liye teraa gham bhi rakhnaa hai