mire jazbe miri shahaadat hain — Farrukh Zohra Gilani

abhi talak hai sadaa paaniyon pe Thahri hui
agarche Duub chukaa hai pukaarne vaalaa

dayaar-e-fikr-o-hunar ko nikhaarne vaalaa
kahaan gayaa miri duniyaa sanvaarne vaalaa

tum to khud sahraa ki surat bikhre bikhre lagte ho
'farrukh' se 'farrukh' ko socho kaise tum milvaaoge

har shakhs ko fareb-e-nazar ne kiyaa shikaar
har shakhs gum hai gumbad-e-jaan ke hisaar mein

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

hain udaasi ke aur bhi asbaab
mujh ko teraa malaal thoDi hai

hijr mein bhi ham udaas utne na the
mil ke bichhDe to hue jitne udaas