bhare hain raat ke reze kuchh aise aankhon mein — Gulzar

aap ne auron se kahaa sab kuchh
ham se bhi kuchh kabhi kahin kahte

aaina dekh kar tasalli hui
ham ko is ghar mein jaantaa hai koi

shaam se aankh mein nami si hai
aaj phir aap ki kami si hai

aadatan tum ne kar diye vaade
aadatan ham ne e'tibaar kiyaa

aap ke baa'd har ghaDi ham ne
aap ke saath hi guzaari hai

kabhi to chaunk ke dekhe koi hamaari taraf
kisi ki aankh mein ham ko bhi intizaar dikhe

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

zaraa dhimi ho to khushbu bhi bhali lagti hai
aankh ko rang bhi saare nahin achchhe lagte

kaisaa chehra hai raat ki tafsil
kaun jal kar bujhaa hai umr ke saath

abhi se achchhaa huaa raat so gai varna
kabhi to khatm-e-safar ratjage kaa honaa thaa