jab safar 'afsar' kabhi karte nahin — Hamidullah Afsar

dukh mein sukh mein har haalat mein bhaarat dil kaa sahaaraa hai
bhaarat pyaaraa desh hamaaraa sab deshon se pyaaraa hai

hai tere liye saaraa jahaan husn se khaali
khud husn agar teri nigaahon mein nahin hai

sukh mein hotaa hai haafiza bekaar
dukh mein allaah yaad aataa hai

haae vo jis ki ummidein hon khizaan par mauquf
shaakh-e-gul suukh ke gir jaae to kaashaana bane

mujhe fardaa ki fikr kyun-kar ho
gham-e-imroz khaae jaataa hai

taaron kaa go shumaar mein aanaa muhaal hai
lekin kisi ko niind na aae to kyaa kare

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

yaad aai hai to phir TuuT ke yaad aai hai
koi guzri hui manzil koi bhuli hui dost

safar mein aise kai marhale bhi aate hain
har ek moD pe kuchh log chhuT jaate hain

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

dasht ki naa-tamaam raahon par
koi saathi hai to shajar tanhaa