aakhiri baar main kab us se milaa yaad nahin — Hammad Niyazi

kachchi qabron par saji khushbu ki bikhri laash par
khaamushi ne ik nae andaaz mein taqrir ki

haar diyaa hai ujlat mein
khud ko kis aasaani se

main apne baap ke siine se phuul chuntaa huun
so jab bhi saans thami baagh mein Tahal aayaa

dikhaai dene lagi thi khushbu
main phuul aankhon pe mal rahaa thaa

vo peD jis ki chhaanv mein kaTi thi umr gaanv mein
main chuum chuum thak gayaa magar ye dil bharaa nahin

bas ek lamha tire vasl kaa mayassar ho
aur us visaal ke lamhe ko daaimi kiyaa jaae

mere khvaabon ke jharokon ko sajaate rahiye
na sahi vasl magar yaad to aate rahiye

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

yaad aai hai to phir TuuT ke yaad aai hai
koi guzri hui manzil koi bhuli hui dost

koi viraani si viraani hai
dasht ko dekh ke ghar yaad aayaa

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

ek parchhaain tasavvur ki mire saath rahe
main tujhe bhulun magar yaad mujhe tu aae