paas-e-aadaab-e-husn-e-yaar rahaa — Hatim Ali Mehr

apnaa baatin khuub hai zaahir se bhi ai jaan-e-jaan
aankh ke laDne se pahle ji laDaa baiThe hain ham

ham bhi baatein banaayaa karte hain
sher kahnaa magar nahin aataa

daaghon ki bas dikhaa di divaali mein raushni
ham saa na hogaa koi jahaan mein divaaliya

donon rukhsaar inaayat karein ik ik bosa
aashiqon ke liye sarkaar se chandaa ho jaae

kisi kaa rukh hamein quraan kaa javaab milaa
khudaa kaa shukr hai but saahib-e-kitaab milaa

abru kaa ishaara kiyaa tum ne to hui iid
ai jaan yahi hai mah-e-shavval hamaaraa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

tah mein dariyaa-e-mohabbat ke thi kyaa chiiz 'aziz'
jo koi Duub gayaa us ko ubharne na diyaa

aankhein kholo khvaab sameTo jaago bhi
'alvi' pyaare dekho saalaa din niklaa

teri ismat mein hamein shak nahin ai maaya-e-naaz
par karein kyaa jo na samjhe dil-e-bad-zan apnaa

kam hai kuchh kundan se kyaa chehre kaa us ke rang-e-zard
ishq kar ke 'mushafi' tu kimiyaa-gar ho gayaa