miir ke kuchh ashaar milaa kar raashid ki kuchh nazmon mein — Iftikhar Haidar

siiTi ki aavaaz suni aur saaraa maazi lauT aayaa
pas-manzar mein rail nahin hai puuraa ek afsaana hai

jitni fursat hai zindagi mein nasib
utni fursat mein main se tu ho jaa

tire baghair guzaaraa nahin kisi surat
use ye baat bataane se baat bigDi hai

shaam hote hi tere hijr kaa dukh
dil mein khema lagaa ke baiTh gayaa

apne lahje pe ghaur kar ke bataa
lafz kitne hain tiir kitne hain

bijli gai to vo bhi hamaare makaan ki
bijli giri to vo bhi hamaare makaan par

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

dil-e-har-qatra hai saaz-e-anal-bahar
ham us ke hain hamaaraa puchhnaa kyaa

mai se gharaz nashaat hai kis ru-siyaah ko
ik-guna be-khudi mujhe din raat chaahiye

dil kaa dukh jaanaa to dil kaa masala hai par hamein
us kaa hans denaa hamaare haal par achchhaa lagaa

maasum nazar kaa bholaa-pan lalchaa ke lubhaanaa kyaa jaane
dil aap nishaana bantaa hai vo tiir chalaanaa kyaa jaane