ek hijrat to mujh ko thi darpesh — Janan Malik

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

kahun ai zauq kyaa haal-e-shab-e-hijr
ki thi ik ik ghaDi sau sau mahine

vo aa rahaa thaa magar main nikal gayaa kahin aur
sau zakhm-e-hijr se baDh kar azaab main ne diyaa

'haqqi'-e-dil-girafta ke bas mein na jaane kab nahin
hijr mein shaad-kaam thaa vasl ke darmiyaan bujhaa

kaisi hain aazmaaishein kaisaa ye imtihaan hai
mere junun ke vaaste hijr ki ek raat bas

sataati hai tumhaari yaad jab mujh ko shab-e-hijraan
mujhe khud apni hasti ajnabi maalum hoti hai