marham-e-hijr thaa ajab iksir — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

bahut nazdik aati jaa rahi ho
bichhaDne kaa iraada kar liyaa kyaa

kahun ai zauq kyaa haal-e-shab-e-hijr
ki thi ik ik ghaDi sau sau mahine

nahin ilaaj-e-gham-e-hijr-e-yaar kyaa kiije
taDap rahaa hai dil-e-be-qaraar kiyaa kiije

yaan tak rahe judaa ki hamaare mazaaq mein
aakhir ki zahr-e-hijr bhi tiryaak ho gayaa

yaaro shab-e-firaaq main royaa huun is qadar
thaa chauthe aasmaan pe paani kamar kamar

husn ki daulat us ki hai aur vasl ki ishrat bhi us ki
jis ne pal pal hijr mein kaaTaa jaur sahe dukh jhele hain

phir nai hijrat koi darpesh hai
khvaab mein ghar dekhnaa achchhaa nahin