phir nai hijrat koi darpesh hai — Abdullah Javed

tum apne aks mein kyaa dekhte ho
tumhaaraa aks bhi tum saa nahin hai

dekhte ham bhi hain kuchh khvaab magar haae re dil
har nae khvaab ki taabir se Dar jaataa hai

saahil pe log yunhi khaDe dekhte rahe
dariyaa mein ham jo utre to dariyaa utar gayaa

aap ke jaate hi ham ko lag gai aavaargi
aap ke jaate hi ham se ghar nahin dekhaa gayaa

karbalaa mein rukh-e-asghar ki taraf
tiir chalte nahin dekhe jaate

ashk Dhalte nahin dekhe jaate
dil pighalte nahin dekhe jaate

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

sote mein vo jo mujh se ham-aaghosh ho gae
jitne gile the khvaab-e-faraamosh ho gae

niind ke ghar mein hain khvaab aane lage
'ishq hai naachtaa aankh ke sahn mein

usi ke khvaab the saare usi ko saunp diye
so vo bhi jiit gayaa aur main bhi haaraa nahin

har ek shakhs yahaan mahv-e-khvaab lagtaa hai
kisi ne ham ko jagaayaa nahin bahut din se