kaun suntaa hai yahaan past-sadaai itni — Javed Nadeem

ik na ik din to musakhkhar us ko honaa hai 'nadim'
vo khalaaon kaa makin hai nuur ki raftaar main

jo rahnumaa the mere kahaan hain vo naqsh-e-paa
manzil pe chhoDtaa thaa jo rasta kidhar gayaa

ye kis ke aasmaan ki hadon mein chhupaa huun main
apni zamin se uTh ke kahaan aa gayaa huun main

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

husn jalva dikhaa gayaa apnaa
ishq baiThaa rahaa udaas kahin

go mujhe ehsaas-e-tanhaai rahaa shiddat ke saath
kaaT di aadhi sadi ek ajnabi aurat ke saath

meri chaadar to chhini thi shaam ki tanhaai mein
be-ridaai ko miri phir de gayaa tashhir kaun