har ek shaakh ke haathon mein phuul mahkeinge — Jayant Parmar

jugnu thaa taaraa thaa kyaa thaa
darvaaze par kaun khaDaa thaa

bistar pe leTe leTe miri aankh lag gai
ye kaun mere kamre ki batti bujhaa gayaa

dil ko dukhaati hai phir bhi kyuun achchhi lagti hai
yaadon ki ye shaam suhaani dil mein qaid hui

lams ki vo raushni bhi bujh gai
jism ke andar andheraa aur hai

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

dil-e-haris hi apnaa na ho sakaa qaane
vagarna tere karam mein to kuchh kami na rahi

main badalte hue haalaat mein Dhal jaataa huun
dekhne vaale adaakaar samajhte hain mujhe

chaand ne taan li hai chaadar-e-abr
ab vo kapDe badal rahi hogi