vo khalish jis se thaa hangaama-e-hasti barpaa — Jigar Moradabadi

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

vo nazron hi nazron mein savaalaat ki duniyaa
vo aankhon hi aankhon mein javaabaat kaa aalam

meri nigaah-e-shauq bhi kuchh kam nahin magar
phir bhi tiraa shabaab tiraa hi shabaab hai

ham kahin aate hain vaaiz tire bahkaane mein
isi maikhaane ki miTTi isi maikhaane mein

mire rashk-e-be-nihaayat ko na puchh mere dil se
tujhe tujh se bhi chhupaataa agar ikhtiyaar hotaa

nigaah-e-shauq ne mahshar mein saaf taaD liyaa
kahaan vo chhupte ki aankhon mein the samaae hue

main baDaa ho gayaa huun magar bachpanaa
mere dil se kabhi bhi gayaa hi nahin

raat yuun dil mein tiri khoi hui yaad aai
jaise viraane mein chupke se bahaar aa jaae

kabhi mileinge jo raaste mein to munh phiraa kar palaT paDeinge
kahin suneinge jo naam teraa to chup raheinge nazar jhukaa ke

khudaa jaane 'asar' ko kyaa huaa hai
rahaa kartaa hai chup do do pahar tak

khaamosh khaDaa huun main dar-e-khvaab se baahar
kyaa jaaniye kab tak isi haalat mein rahungaa

dulhaa aur dulhan ki umrein puchhin to maalum huaa
pachpan saal ki laDki hai aur saaTh baras kaa laDkaa hai