fuġhāñ ki mujh ġharīb ko hayāt kā ye hukm hai — Shayari Of Josh Malihabadi

kaam hai merā taġhayyur naam hai merā shabāb
merā na.ara inqilāb o inqilāb o inqilāb

vo kareñ bhī to kin alfāz meñ terā shikva
jin ko terī nigah-e-lutf ne barbād kiyā

kashtī-e-mai ko hukm-e-ravānī bhī bhej do
jab aag bhej dī hai to paanī bhī bhej do

insān ke lahū ko piyo izn-e-ām hai
añgūr kī sharāb kā piinā harām hai

guzar rahā hai idhar se to muskurātā jā
charāġh-e-majlis-e-rūhāniyāñ jalātā jā

is dil meñ tire husn kī vo jalvagarī hai
jo dekhe hai kahtā hai ki shīshe meñ parī hai

Khudi ko kar buland itna ke har taqdeer se pehle
Khuda bande se khud pooche, bata teri raza kya hai

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

justujū kho.e huoñ kī umr bhar karte rahe
chāñd ke hamrāh ham har shab safar karte rahe

ab to ye aarzū hai ki vo zaḳhm khā.iye
tā-zindagī ye dil na koī aarzū kare

jo zahr pī chukā huuñ tumhīñ ne mujhe diyā
ab tum to zindagī kī duā.eñ mujhe na do

go safedī mū kī yuuñ raushan hai juuñ āb-e-hayāt
lekin apnī to isī zulmāt se thī zindagī