soz-e-gham hi se miri aankh mein aansu aae — Josh Malsiani

yaa rahein is mein apne ghar ki tarah
yaa mire dil mein aap ghar na karein

aane vaali hai kyaa balaa sar par
aaj phir dil mein dard hai kam kam

pi loge to ai shaikh zaraa garm rahoge
ThanDaa hi na kar dein kahin jannat ki havaaein

gila naa-mehrbaani kaa to sab se sun liyaa tum ne
tumhaari mehrbaani ki shikaayat ham bhi rakhte hain

is vahm se ki niind mein aae na kuchh khalal
ahbaab zer-e-khaak sulaa kar chale gae

taalib-e-khair na honge kabhi insaan se ham
naam us kaa hai bashar us mein hai shar do-baTaa-tin

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

specialist pain-killer de to kaun saa?
''saare jahaan kaa dard hamaare jigar mein hai''

main nibal tanhaa na is duniyaa ki sohbat siin huaa
rustamon kuun kar diyaa hai naa-tavaan inzaal niin

tu kahaan rahti hai puchhaa thaa kisi ne ek din
main ghamon ke saath rahti huun khushi kahne lagi