munis-e-taaza hain ye dard-o-alam — Joshish Azimabadi

allaah taa-qayaamat tujh ko rakhe salaamat
kyaa kyaa sitam na dekhe ham ne tire karam se

tujh se ham-bazm hon nasib kahaan
tu kahaan aur main gharib kahaan

zaahid na rahne paaeinge aabaad mai-kade
jab tak na Dhaaiyegaa tiri khaanqaah ko

vo maah bhar ke jaam-e-mai-naab le gayaa
ik dam mein aaftaab ko mahtaab le gayaa

ai zulf-e-yaar tujh se bhi aashufta-tar huun main
mujh saa na koi hogaa pareshaan-e-rozgaar

chashm-e-vahdat se gar koi dekhe
but-parasti bhi haq-parasti hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

zamaane bhar ke dukhon ko lagaa liyaa dil se
is aasre pe ki ik gham-gusaar apnaa hai

aag se paani mein bujhte vaqt uThti hai sadaa
har koi darmaandagi mein naale se naa-chaar hai