saamnaa aaj anaa se hogaa — Kalidas Gupta Raza

azal se taa-ba-abad ek hi kahaani hai
isi se ham ko nai daastaan banaani hai

ham na maaneinge khamoshi hai tamannaa kaa mizaaj
haan bhari bazm mein vo bol na paai hogi

ab koi DhunD-DhaanD ke laao nayaa vajud
insaan to bulandi-e-insaan se ghaT gayaa

duniyaa to sidhi hai lekin duniyaa vaale
jhuTi sachchi kah ke use bahkaate honge

hayaat laakh ho faani magar ye sun rakhiye
hayaat se jo hai maqsud ghair-faani hai

zamaana husn nazaakat balaa jafaa shokhi
simaT ke aa gae sab aap ki adaaon mein

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

ghair se nafat jo paa li kharch khud par ho gai
jitne ham the ham ne khud ko us se aadhaa kar liyaa

hamein hamaari anaaein tabaah kar deingi
mukaalme kaa agar silsila nahin karte

dikhaa ke jumbish-e-lab hi tamaam kar ham ko
na de jo bosa to munh se kahin javaab to de

vahaan jo log anaaDi hain vaqt kaaTte hain
yahaan bhi kuchh mutashaaer dimaagh chaaTte hain