ye shaam Dhal rahi thi ki aai khabar buri — Lokesh Tripathi

miraa hi man nahin lagtaa hai us mein
ki us kaa man bhi mujh se bhar gayaa hai

kamaane aur ganvaane mein bachaa paayaa huun bas itnaa
hamaare ghar puraane dost dekho ab bhi aate hain

ham se hamaare khvaab bhi jab duur ho gae
majbur tab hue yuun ki mazdur ho gae

ham sabhi aakaash mein laTke hue
sochte hain ki zamin pe paanv hai

mar gai maan to baT gae zevar
baT gayaa ghar pitaa ke marte hi

sirf shaa'ir hi rahtaa hai zinda
aadmi ko to mar hi jaanaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

be-khudi le gai kahaan ham ko
der se intizaar hai apnaa

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

savaal karti kai aankhein muntazir hain yahaan
javaab aaj bhi ham soch kar nahin aae

ishq kachche ghaDe pe Duub gayaa
lamha jab intizaar kaa aayaa