mar gai maan to baT gae zevar — Lokesh Tripathi

vo zid karti hai lekin phir achaanak maan jaati hai
mire chehre ki rangat se vo qimat jaan jaati hai

chiiz koi nahin dusri chaahiye
baat jis ki hui thi vahi chaahiye

miraa hi man nahin lagtaa hai us mein
ki us kaa man bhi mujh se bhar gayaa hai

kamaane aur ganvaane mein bachaa paayaa huun bas itnaa
hamaare ghar puraane dost dekho ab bhi aate hain

ye shaam Dhal rahi thi ki aai khabar buri
paani ke intizaar mein ik jhiil mar gai

ham se hamaare khvaab bhi jab duur ho gae
majbur tab hue yuun ki mazdur ho gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

ret par ik nishaan hai shaayad
ye hamaaraa makaan hai shaayad